Ոստանի Ս.Սարգիս եկեղեցին գտնվում է ՀՀ Արարատի մարզի Ոստան գյուղում: Եկեղեցին հիմնադրվել է 1833թ-ին անմշակ քարից, փայտյա, եղեգնյա ծածկով: Եկեղեցին, ինչպես իր ժամանակակից բոլոր եկեղեցիները խորհրդային տարիներին խլվել է քահանայի ձեռքից գործածվել այլ նպատակներով և ի վերջո խոնարհվել է զանգակատունը ամբողջությամբ, ծածկը մասամբ: Այս անպատեհ վիճակին է եկեղեցին ցայժմ: Այս և մնացած բոլոր այս վիճակում գտնվող եկեղեցիները մեր ազգային ամոթն է, անօրինությունը, մեր վերքը, մեր շտկելիքը, մեր ապաշխարության ճանապարհը: Պարտավոր ենք վերականգնել: Այս մտածողությամբ տոգորված Վոստանցի մի կին՝ Մելսիդա Հարությունյանը համախոհ ունենալով գյուղապետ՝ Հակոբ Խաչատրյանին և դպրոցի տնօրեն Գեղամ Արշակյանին դիմեց Ապաշխարենք կառուցելով մեր եկեղեցաշինական ծրագրին: Սկսվեց վերականգնողական աշխատանքները 2015թ-ին, նախ հիմքերի հուսալի ամրացում կատարվեց, ապա նախապատրաստում ենք ամբողջական վերանորոգում պահպանելով հին տեսքն ու միջավայրը: Աշխատանքները բարեհաջող շարունակվում է:
“Ապաշխարենք կառուցելով” եկեղեցաշինական ծրագրի պատասխանատու ̀
Տ.Ղազար քահանա Պետրոսյան