Բարձրաշենի Ս.Համբարձման կառուցվող եկեղեցին գտնվում է ՀՀ Արարատի մարզի Բարձրաշեն գյուղում: Եկեղեցին հիմնադրվել է 2013թ-ին: Այս գյուղը ևս ունի ծխական խորհուրդ:
Նախկին գյուղապետ` Կամո Բաբայանի հետ միշտ մտմտում էինք եկեղեցի կառուցելու ծրագիրը, սակայն այս գյուղում տեղի որոշելը խնդիր էր դարձել, գյուղացիները առաջարկում էին 4 տարբեր տեղեր, և մի օր հրավիեցինք թեմի ճարտարապետին: Ճարտարապետ Բաբախանյանը, ես և նախկին գյուղապետ Բաբայանը տեղադիտումից և բազում քննարկումներից հետո որոշեցինք տեղը, որտեղ առավելաբար հարմար էր եկեղեցի կառուցելու համար: Ոգևորված այս հստակեցումից ծխական խորհուրդով որոշեցինք կառուցումը սկսել 2012թ-ին, սակայն մեզ համար անհասկանալի նախկին գյուղապետը կանխեց 100-ավոր ուխտավորների ներկայությամբ Լուսավորչի Մուտն Վիրապ տոնի առթիվ անդաստան կատարելուց հետո հիմքի փորելու մեր ձգտումը: Գործընթացը շարունակվեց, գյուղում դրամահավաք կատարվեց ծխական խորհրդի(ծխական խորհրդի անդամներն են՝ Գոհար Թովմասյան, Կատյա Առաքելյան, Սուսաննա Բարսեղյան, Գևորգ Բախշյան, Սուսաննա) կողմից և նախապատրաստվեց հիմքի աշխատանքները: Նախկին գյուղապետը ավագանու որոշմամբ հողը հատկացրեց Մայր Աթոռին և անակնկալ փոխվեց գյուղապետը: Նոր գյուղապետը ծանոթանալով իրավիճակին միաբանվեց ծխական խորհրդին և մեծ խանդավառությամբ սկսվեց եկեղեցու կառուցման աշխատանքները: Այս ամբողջից հետո նոր միայն տեղեկացա գյուղում առկա մեծ լարման մասին, որ գյուղապետարանի աշխատող մի կին որոշել է իր քրոջ համար սեփականացնել այդ հողի մի մասը: Մեծ հոգեմաշուք սկսվեց այս կնոջ կողմից, համայնքի շատ անդամների և քահանային դատարանի դռները քաշ տվեց: Աստված թող հատուցի իրեն իր արարքների համար: Ե̀վ առաջին ատյանի դատարանը, և̀ վերաքննիչը որոշեցին ի օգուտ եկեղեցու կառուցման և փառք Քրիստոս մեր Աստծուն, որ այժմ հնարավորություն տվեց շարունակելու եկեղեցու կառուցումը:
Բարձրաշեն գյուղը Արարատյան դաշտավայրի բարձրադիր տեղերից մեկն է ուստի այն կարծես համբարձման լեռը լինի Արարատյան դաշտավայրի համար, բացի սա կառուցվող Ս.Համբարձման եկեղեցու տարածքից երբ նայում ես Բիբլիական Արարատ լեռանը կարծես մի պահ համբարձվես այս երկրից դեպի երկինք անսահմանություն և լույս, դեպի Աստված: Այստեղից էլ եկեղեցու անունը Ս. Համբարձման եկեղեցի: Արարատյան դաշտավայրի բնակիչներս պետք է բարձրանանք այստեղ տոնելու Ս. Համբարձման տոնը:
Բարձրաշենի այցելու հովիվ Տ.Ղազար քահանա Պետրոսյան