Նոր Կյանքի Ս.Սարգիս եկեղեցին հիմնադրվել է 2006թ-ի գարնանը, հիմնարկեքը կատարվել է նույն թվականի սեպտեմբեր ամսին Արարատյան Հայրապետական թեմի առաջնորդական փոխանորդ Տ. Նավասարդ արքեպիսկոպոս Կճոյանի ձեռամբ: Նոր Կյանք գյուղի բնակիչ Վրեժ Սարգսյանը մի քանի արկածներից ազատվելով իր հոգում զգում է Աստվածային նախախնամության զորավոր ազդեցությունը բազմաթիվ փորձանքներից փրկվելու հարցում և Բարձրյալի նկատմամբ անհուն շնորհակալության զգացումը իրեն առաջնորդում է գյուղի համար եկեղեցի կառուցելու որոշմանը: Մեծ ոգևորությամբ և դրամական կարողությամբ սկսում է գործը և շատ արագ գրեթե մեկ տարվա ընթացքում շինարարությունը հասնում է մինչև եկեղեցու գմբեթին և անակնկալ որոշ անհաջողություններ և կազմակերպչական թերություններ պատճառ են դառնում շինարարության կանգնելուն արդեն 11 տարի: Համագյուղացի Սասունիկ Ալեքսանյանը, ով Արցախյան շարժման առաջատար անձերից է եղել, սրտացավ լինելով իր սիրելի ծննդավայրի եկեղեցու նկատմամբ, տեղեկանալով Ապաշխարենք կառուցելով եկեղեցաշինական ծրագրի մասին Վրեժ Սարգսայնի հետ համաձայնեցնելով առաջարկեցին, որ եկեղեցու կառուցման ոճը փոխվի և համայնքով սկսեն շարունակել Աստծո տան շինարարությունը: 05.04.2018թ գյուղապետարանում երիտասարդ և գործունյա գյուղապետ Գարիկ Սարգսյանի հրավիրած ժողովի ընթացքում սկսվեց դրամահավաքը: