
Դեկտեմբերի 18-ին կայացավ Արարատյան Հայրապետական թեմի Ապաշխարենք կառուցելով եկեղեցաշինական ծրագրի տարեկան հաշվետվությունը՝ որին մասնակցեցին Ջրաշեն, Բարձրաշեն, Նշավան համայնքներում կառուցվող և Ոստանում վերանորոգվող եկեղեցիների կառուցման կազմակերպիչների ներկայացուցիչները ինչպես նաև Նոր Կյանք համայնքից ներկայացուցիչներ իբրև հյուր: Արձանագրվեց՝ Նշավանում մեկ շարք, Բարձրաշենում մեկ շարք, Ջրաշենում երկու շարք և սյուների հիմքերը, Հովտաշենում երկու շարք և ծածկի կես մասը, Ոստանում ապամոնտաժ, պատերի ամրացում, սյուների կառուցում և ծածկի նախապատրաստական աշխատանքներ: Աշխատանքները կատարվել են գյուղերից դրամահավաքների, գյուղապետարանների և անհատ ներդրողների ընդհանուր ջանքերով մոտավորապես 16 միլիոն դրամ ընդհանուր արժողությամբ: Ներկայացվեց Ոստան համայնքի ղեկավարի շնորհակալագիրը Մելսիդա Հարությունյանին տրված: Բոլորս երեսներս մրած գործեցինք և մեր համեստ կարողությամբ մեր ծառայությունը բերեցինք Ամենակարող Աստծուն մեր Սրբազան Արարչին, թող ընդունի մեր Տերը իբրև ապաշխարություն և օրհնի ամենքիս: Ամեն