Չնայած ձմեռային ցուրտ եղանակին, հավատացյալ ուխտավորների ջերմեռանդ աղոթքների ջերմությամբ լցվեց Հովտաշենի կառուցվող Ս.Բարթուղիմեոս եկեղեցին, մանավանդ, որ առաջին անգամ Ս.Բարթուղիմեոսի նշխարհը բերվեց եկեղեցի և հավատացյալներս արժանացանք Սուրբի նշխարհից օրհնվելուն: Այս տարի մեզ աղոթակից եղավ Նուբարաշենի Սրբոց Նահատակաց եկեղեցու հոգևոր հովիվ Տ.Բարթուղիմեոս քահանան, ով հինգ տարի առաջ այս եկեղեցու հիմնարկեքի ժամանակ Ս.Բարթուղիմեոսի անունով սալիկն էր դրել եկեղեցու հիմքում: Ուխտավորաբար ներկա էին Բյուրավանից, Նշավանից, Ջրաշենից, Դիտակից, Զովաշենից, Բարձրաշենից և Երևանից բազմաթիվ ուխտավորներ: Ներկա էին Եկեղեցու կառուցման գործում ծանրակշիռ ներդրում ունեցող հարգարժան մարդիկ: Համայնքի ղեկավար Արթուր Մկրտչյանի կատարած մատաղը բաժանվեց, դպրոցի կազմակերպիչ՝ Հ. Սահակյանը ներկայացրեց գեղեցիկ միջոցառում: Օրհնված գոհ և ուրախ էին բոլորը: Աստված պահապան բոլորին: